Ардагерлер спектакль көрді
Облыстық қазақ жасөспірімдер театрында драматург Ш.Орынбайдың "Тозаңды терезе" спектаклі (Қоюшы режиссеры Ғ.Арынұлы) сахналанды.
Спектакльдің қысқаша желісі Ауған соғысынан мүгедек болып оралған азаматтың арбаға таңылған қиын тағдыры туралы. Шарықтау шегінде әз-әзілдің арбауымен шаңырағы шайқалып, ақыр аяғында адал достық пен сүйіспен-шілік жеңіп шығады. Басты рөлді ҚР Мәдениет қайраткері О.Нұрғали асқан шеберлікпен сомдап шықты. Театр әртістері Е.Барақов, Б.Ордабаева, Р.Байкөбен, Ұ.Сейдахметовалар да өз кейіпкерлерінің шынайы бет-бейнесін ашып, көрермен көзайымына айналды.
Кеңес әскерінің ауған жерінен шығарылған күнімен орайластырылған қойылымды қалың жұртшылықпен бірге ауған соғысының ардагерлері де арнайы келіп тамашалады.
– Ауған соғысы туралы кинолар, кітаптар жиі шығып жатыр ғой. Ал, мынадай спектакльді алғаш рет көруіміз. Театр ұжымына үлкен алғысымызды айтамыз, – дейді ауған соғысы ардагері Марат Батырханұлы.
Мұрат
ЖҮНІСҰЛЫ
Арқалық қаласы.
Суретте: Спектакльден көрініс.
Суретті түсірген автор.
