“Қызыл бәйшешек” акциясы

Жылма-жыл ақпан айының ортасында біз ауған соғысында қаза тапқан жауынгерлерді еске алып, олардың рухтарының алдында бас иеміз. Өйткені бұл соғыста 18-19 жасар өрімдей жас жігіттер жазықсыз құрбан болды. Бүгінгі жастар өздеріндей жігіттердің Отан алдындағы борышын адал орындағандарын ұқсын, олардың патриоттық сезімінен тағылым алсын деген ниетпен аудан орталығында "Кеңес әскерінің Ауғанстан  Республикасынан   шығарылғанына 26 жыл" толуына орай "Қызыл бәйшешек" акциясы өтті. Жиналған қауым акция барысында соғыста қаза тапқан жауынгерлерді бір минут үнсіз-дікпен еске алды.

Аудан әкімінің орынбасары Түбекбай Әубәкіров аудан жұрт-шылығын құттықтап және ауған соғысының ардагерлері: Серік Жадиков, Құнанбай Төлеубаев, Марат Ғизатуллин, Бөкейхан Исмагуловтарға марапаттау хаттарын табыс етті.

Елбасымыз Н.Ә.Назарбаевтың ауған соғысы туралы: "Ауған соғысында қыруар қаржы шығындадық, мыңдаған өмір қиылды, кеңес әскеріне бұл елді тастап шығуға тура келді…" – деген сөзі бар. Сол ауған соғысының аяқтал-ғанына биыл 26 жыл толып отыр. Бұл қасірет елдің тек өз ішінде ғана емес, оған сырт мемлекеттердің қатысуымен де ұзаққа созылды. Оған әр елден, сондай-ақ 22 мың қазақстандық қатысқан екен.

– Қайсыбір ана жал-ғыз боздағынан айырылды, кейбір бала әкесіз, кейбір отбасы панасыз қалды. Енді ғана азамат атанып әс-кер қатарына алынған қаншама жігіттеріміз ауған даласында жан тапсырды. Ал кейбір жауынгерлер із-түзсіз жоғалып кетті. Аяқ-қолдан айырылып қан тө-гіп мүгедек болғандар қаншама, ауған соғысы – жүректе жазылмайтын, тарихта ерекше орын алатын оқиға, – дейді сұрапыл соғыстың куәгері Бөкейхан Исмагулов өз сөзінде.

Әр халықтың, әр адамның қасиетті борышы – Отаны үшін жанын пида еткен азаматтарын мәңгі есте сақтап, құрметтеу, жас ұрпаққа отансүйгіштіктің үлгісі ретінде  насихаттау  екенін   ешқашан ұмытпайық.

Гүлім ЫСМАҒҰЛ.

Жанкелдин ауданы.