Жолшы – әрқашан сұраныста
"Бәріміз білімге деген көзқарасты өзгертуіміз керек. Гуманитарлық мамандықтарға әуестену кезеңі өтті. Техникалық мамандықтарға басымдық беру керек. Инженер – өнеркәсіп иелерінің жаңа буынын өсіру керек", – деді ҚР Президенті Қасым-Жомарт Тоқаев.
Еңбек нарығында күн сайын жаңалық. Он жыл бұрын өзекті болған мамандықтар қазір сұраныстан жойылып барады. Нарыққа жаңа бағыттар шығуын әлемдік тенденциялар талап етуде. Футурологтардың айтуынша, 57 мамандық 2030 жылға қарай нарықтан кетеді екен. Жыл сайын Қазақстанда 70 жоғары оқу орнынан 10 мың заңгер даярланады. Ал сарапшылар болса елге көп маман қажет емес деп санайды. Олар сондай-ақ еңбек нарығының тренді туралы ақпаратты білмейді, сондықтан сұранысқа ие мамандықты таңдай алмай жүр.
"Жол активтерінің ұлттық сапа ортылығы" Қостанай облысы бойынша филиалының директоры Абылайхан Алшынбаевтың сөзінше, елде жолшыларға деген сұраныс артқаны байқалады.
"Қазақстан – аумағы жағынан әлемдегі 9 ел, автожолдар желісінің ұзындығы – 96 мың шақырым (республикалық маңызы бар жолдар – 25 мың км, жергілікті жолдар – 71 мың км). Сонымен қатар, ҚР 61 мың км көше жолдары бар. Жолдардың ұзындығы бойынша елдердің әлемдік рейтингінде біз 32-ші орынды иемденеміз. Қазақстанның осы саладағы әлеуеті зор, алда көп жұмыс күтіп тұр. Алайда нарықта жақсы кадрлардың тапшылығы бар. Мысалы, жол шеберлері, инженер-құрылысшылар, инженер-сметашылар, зертханашылар, асфальтбетоншылар, асфальттөсеушілер, автогредеристер, механизаторлар, ресайклерлер, арнайы техника машинистері және т.б. қажет. Бұлар негізгі жол күштері", – деді филиал директоры.
Кадр тапшылығы мәселесін шешу үшін аталмыш кәсіпорын мектептерде кәсіптік бағдар беру жұмыстарын жүргізуге бағытталған "2000 мектеп" акциясын ұйымдастырды. Үш жылдың ішінде орталық 3 500 мыңнан астам мектепте үгіт дәрістерін өткізді.
