Жұдырықтай жұмылған жөн

Ассамблея ұсынып отырған бұл бастаманы қолдаған әрине, жөн. Бұған елде бірнеше себептің туындағаны анық. Оған назар аудармасқа тағы болмайды. Мәселен, осыдан төрт жыл бұрын Президент және Парламент сайлауы кезектен тыс бір мезетте өткенін жақсы білеміз. Міне, осындай жайттың қайталанбауы үшін бұл сайлаудың алдын-ала уақытынан бұрын ұйымдастырылып жатқаны сондықтан болар. Және Елбасының «Нұрлы жол – 2020» бастамасы да аяқсыз қалмауы тағы бар.

Рас, әлемде қаржы дағдарысы әлі суи қойған жоқ. Украинадағы ішкі қақтығыстың, Батыс елдерінің Ресейге қойылған санкциясы барлығы бізге әсер етпей қоймайтынын көріп отырсыздар. Осындай қысылтаяң сыртқы фактор үшін де сайлаудың мерзімінен бұрын өтіп, саяси тұрақтылықтың сақталғаны көп тиімді.

Бір сөзбен айтқанда, Қазақстан халқы жұдырықтай жұмылып, кез келген қиындыққа қарсы тұрғанын қалаймын! Сол үшін де біз Елбасы төңірегіне топтаса түсуіміз қажет.

Серік ЕШМАНОВ,

Республикалық «Бірлік» партиясы Қостанай филиалының төрағасы.