Жол апатында үш қостанайлық опат болды
13 ақпан күні таңертең Түмен облысындағы Ялуторов-Ярково автожолында жол-көлік апатында 4 адам, оның ішінде үшеуі қостанайлық, опат болды.
"Hyundai Solaris" авто-көлігінің 36 жастағы жүр-гізушісі алдындағы көлікті басып озамын дегенде қарсы келе жатқан "Лада Приора" автокөлігімен соқтығысты. "Приораның" 52 және 55 жастағы екі жолаушысы мен "Hyundai Solaris" автокөлігінің жүргізушісі оқиға болған жерде жан тапсырды. "Ладаның" жүргізушісі ауыр халде ауруханаға жеткізілгенімен, есін жимастан қайтыс болды.
