Бір мезетте үн қосты
Қазақстан халқы Ассамблеясы жылының ашылуына арқалықтықтар да бір мезетте үн қосты. Қаладағы облыстық қазақ жасөспірімдер театрына көтеріңкі көңіл күймен қадам басып келген ел ең алдымен облыстық "Дала өлкесі тарихы мұражайы" мен №2 облыстық ғылыми – әмбебап кітапхананың айтулы шараға арнаған айшықты көрмелерін тамашалады.
Облыстық «Киноөнімдерін жалға беру» басқармасының қалалық филиалы көрермен назарына еліміздегі ұлы достықты паш еткен деректі фильмді ұсынды.
Сахна шымылдығы сан ұлттың нақышты биімен ашылып, қала әкімі Ғ. Бекмұхамедов жиылған қауымды Қазақстан халқы Ассаблеясы жылының ашылуымен құттықтады.
Мәңгілік ел болуды мұрат тұтқан тәуелсіз қазақ елі ынтымақ пен бірліктің арқасында талай тарихи асуларды бағындырып, сүбелі жетістіктерге қол жеткізуде. Елбасының өміршең саясаты ұлттар мен ұлыстардың арман мүдделерін бір арнаға тоғыстырып отырғаны бүгінде барша әлем жұртына үлгі – өнеге болуда.
Бірлігі мықты елдің болашағының нық. Татулықты ту еткен қала жастары ән мен күйдің көрігін қыздырып, әр ұлттың өнерін өрістетті.
Мұрат Жүнісұлы
Арқалық қаласы
