Баянды болашақ бастауы
І.Омаров атындағы облыстық қазақ драма театрында 2015-Қазақстан халқы Ассамблеясы жылының салтанатты ашылу рәсімі өтті. Іс-шара «Жастар қоғамдық келісімді қолдайды» флеш-мобымен басталды. ҰОС-ның ардагері Михаил Подоляков және полицияның аға сержанты Ерлан Дүзенов Қазақстан халқы Ассамблеясының туын көтерді.
Тыныштық, тұрақтылық, түсіністік Тәуелсіздігіміздің тірегі іспеттес. «Төртеу түгел болса төбедегі келеді, алтау ала болса ауыздағы кетеді» деген халқымыз ауызбіршілікті ерекші бағалайды. Әлемдегі дамыған елу жылдың алдына шығуымыз да этносаралық келісім мен бейбітшіліктің жемісі болар. Ата-бабамыз бірлігі күшті елдің озарын ежелден білді емес пе! Алдыңғы буынның аманатын арқалап, халықты баянды болашаққа бастау үшін Елбасы 1995 жылғы 1 наурызда Қазақстан халқы Ассамблеясын құру туралы Жарлыққа қолды. Ассамблея-қоғамдық тұрақтылық пен ұлтаралық келісімді сақтауға арналған қоғамдық институт.
-Еліміздің барлық облыстарында Қазақстан халқы Ассамблеясының жылы мерекеленуде. Жиырма жылдың ішінде ҚХА этносаралық келісімнің озық үлгісіне айналды,-деген облыс әкімі Нұралы Садуақасов жиналған көпшілікке Мемлекет басшысы Н.Ә.Назарбаевтың құттықтау хатын оқып берді. Іс-шара жергілікті өнерпаздардың концерттік бағдарламасымен жалғасты.
Ықылым заманнан жеткен Асан Қайғы туралы аңыз көпшіліктің есінде болар. Желмаяға мініп, жиһан кезген жыраудың мақсаты “Жерұйық” дейтін қой үстіне бозторғай жұмыртқалаған қоныс табу еді. Жыраудың іздеген Жерұйығы деп қазіргі қазақ даласының әр қуысын айтуға болатындай. Жұдырық болып жұмылған біртұтас мекен-Мәңгілік еліміз бейбітшіліктің жерұйығы емес пе!
Қымбат Досжанова
Суреттерді түсірген Бағдат Ахметбеков
