Ата-аналар конференциясы

Аманкелді  ауданындағы «Қаламқас» балабақшасында «Бала денсаулығы – басты назарда» деген  тақырыпта  ата-аналар конференциясы ұйымдастырылды.

Жиын барысында ата-аналарға салауатты өмір салтының маңыздылығын түсіндіріп,балалардың денсаулығын балабақшада ғана емес, үйдегі жағдайда нығайту туралы айтылды. Ата-аналарға кітаптар көрмесі ұйымдастырылды.  Басқосу соңында тренинг өткізілді.Конференцияға қатысқан қонақтар балабақшаның жұмыстарын жақсы жолға қойылғандығын айтып, ұжымға шығармашылық табыс тіледі.