Әкім жұмысына оң баға
Рудныйдың әкімі Бақытжан Ғаязов қаланың әлеуметтік-экономикалық нәтижелері жөніндегі қорытынды есептік кездесуін өткізді. Іс-шараға кеншілер шаһарына жұмыс сапарымен келген облыс әкімінің бірінші орынбасары Евгений Аман қатысты.
Кездесу басталар алдында Евгений Иосифович бастаған делегация № 15 орта мектебі, жақында ашылған «Кристалл» монша-сауықтыру кешені, қалалық тілдерді оқыту орталығының мультимедиялық лингафондық кабинеті мен әкімдіктің фойесінде ұйымдастырылған Рудный қаласының өндірістік жетістіктері көрмесін аралады.
Әкімнің қорытындысы есебі қысқа да нұсқа болды. Бақытжан Темірұлы 2014 жылы қол жеткізген негізгі көрсеткіштерді ғана атап өтті. Жиынды әкімнің жұмысына оң баға берген Евгений Аман тұрғындардың сауалына жауап бере отырып, қорытындылады.
Қуаныш Есқабыл