Денсаулық – зор байлық

Рудныйлық салауатты өмір салты бөлімі өткен жылдың қорытындысына арналған баспасөз конференциясын ұйымдастырды.

Онда бөлім меңгерушісі Светлана Чикинова қалада ішімдікке салынушылар саны 12,2 пайызға, ал наркологиялық диспансерде есепте тұрған азаматтар 17,6 пайызға азайғанын атап өтті. Әлеуметтік сауалнамадан белгілі болғандай, былтыр темекені тастауға уәде берген рудныйлықтардың 4,5 пайызы ғана өз сөзінде тұрған. Неонатальды және бала өлімі де біршама қысқарып, емізуші аналар қатары өскен. Бұдан бөлек, тегін скринингтік тексерістен өтіп, аурудың алдын алуға талпынған тұрғындардың белсенділігі қуантады.

-Денсаулық – адамның басты байлығы. Сондықтан біз алдағы уақытта да темекі тарту, ішімдік пен нашақорлықтың алдын алып, гепатит, туберкулез, рак сияқты әлеуметтік мәні зор ауруларға қарсы бағытталған жұмысын жалғастырмақ. Сондай-ақ бөлім мамандары жастардың арасында түрлі тренинг-ойындар, дөңгелек үстелдер мен кездесулер ұйымдастырып, салауатты өмір салтын белсенді насихаттайтын болады, – дейді Светлана Сергеевна.