Береговое ауылындағы тіс кабинеті

Таран ауданының Береговое ауылында стамотологиялық кабинет жұмыс істей бастады. Бұл туралы өткен жылды қорытындылаған Калинин ауылдық окгругының әкімі Сүндетбай Сапабеков мәлімдеді.

Оның айтуынша, Рудныйлық тіс дәрігер Айзада Қартаева өз қаржысына кабинеттегі арнайы жабдықтарды ретке келтіріп, Таран аудандық ауруханасымен келісім шартқа отырған. Келісімде стамотологиялық қызметтер құны көрсетілмеген. Алайда бұған қарамастан ауыл жұртшылығы жағымды жаңалыққа дән риза. Рудныйға 12 шақырым жерде орналасқан Береговое ауылында тіс дәрігері тұрғындарды дүйсенбі және жұма күндері, сағат 9.00-14.00-ге дейін қабылдайды.

 

Қуаныш Есқабыл