Прокурорлар өткен жылдың қорытындысын саралады

Бүгін облыстық прокуратурада облыс прокуроры Марат Қайыбжановтың әкімі төрағалы­ғымен кеңейтілген алқа мәжілісі өтті. Оған облыс әкімі Н.Садуақасов, Бас прокуратураның департамент бастығы Ә.Аманбаев, облыстық прокуратура органдарының барлық жеке құрамы қатысты.

Жиын­да өткен жыл­да атқарылған жұ­мыстардың қорытындылары талқыланып, алдағы кезең­дегі басымдыққа ие әрекеттер айқындалды.

-Өңірімізде өткен жылы криминогендік жағдай жақсарды. Қылмыс 8,9% төмендеді. Алайда қылмыс деңгейі әлі де жоғары, әлі де талапты күшейту қажет. Еліміз бойынша қылмыс жағынан алтыншы орында тұрмыз. Республика бойынша көңіл қуантарлық көрсеткіш емес.  Әлеуметтік-экономикалық саланы қадағалау бойынша мемлекет кірісіне 2,5 млрд. теңге өндірілді. Бұл алдағы кезеңге қарағанда екі есе жоғары. Тексеру қорытындысы бойынша 7,2 млрд. теңге көлемінде мемлекеттік қордан ірі көлемде бидайдың ұрлануы мен бөліну фактілері анықталды,  4,3 млрд. теңгеден астамы мемлекет меншігіне қайтарылды, – деді М.Қайыбжанов.

Алдағы кезеңде азаматтардың, әсіресе, жұмыс орындарының қыс­қаруы мен жұмыстан босату, жалақының кешіктірілуі мен төленбеуі сияқты жағдайлардағы еңбек құқықтарының сақталуы басым сипатқа ие болып қалмақ. 

Салық төлеуден жалтару және заңсыз кәсіпкерлік қызметтен жалтару жолдары анықталды. Прокурорлардың талап арызы бойынша қызметі заңсыз 26 кәсіпорын мемлекеттік тіркеуден бас тартылды.сонымен қатар салық төлеуден жалтару фактілері бойынша 3 қылмыстық іс қозғалды.

Діни экстремизм мен терроризмге қарсы күрес бойынша лаңкестік идеяларды насихаттайтын 18 интернет ресурстарының жұмысына тыйым салынды.

 

Шұға Қоңқабай