«Қан тапсырып, үміт сыйла» акциясы өтті

Қостанай облысы ТЖ департаментінің Азаматтық қорғаныс басқармасы облыстық қан орталығымен бірлесіп, департамент ғимаратында жыл сайынғы «Қан тапсырып, үміт сыйла» акциясын ұйымдастырды. Іс-шара төтенше жағдайларда зардап шеккен халыққа, сонымен бірге ауыр халде жатқан адамдарға шұғыл көмек көрсетуге бағытталған. Осы акцияны өткізуге Қостанай облысы Төтенше жағдайлар департаментінің барлық құрылымдық бөлімшелері қатысты. Адамның өмірін сақтауға немқұрайлы қарауға болмайды. Іс-шара ерікті түрде өткізіледі. ТЖ департаментінен 40 адам қан тапсырды. Азаматтар тиісті тексеруден өтті, денсаулықтарына шағым жасағандар болған жоқ.

Қостанай облысының ТЖД