5 келі есірткі тәркіленді
Жыл басынан бері облыс полицейлері 35 есірткі қылмысын ашты, тәркіленген есірткі заттарының жалпы салмағы 5 келіге жетті.
Қостанай қаласында ОІІД есірткі бизнесіне қарсы күрес бас-қармасының қызметкерлері қызметтік иттің көмегімен 4,5 келі есірткі затын тапты. 38 жастағы ер адам гашишті үйінде тығып сақтаған.
Арқалық қаласына жақын жерде Үштөбе селосында 28 жастағы жергілікті тұрғынның үйінен полицейлер екі орамдағы есірткі затын тапты.
Рудный қаласында 33 жастағы рудныйлықтың үйін тінткен полицейлер 2 грамм героин тәркіледі. Аталмыш фактілер бойынша қылмыстық істер қозғалып, тергеу іс-шаралары жүргізілуде.
ОІІД баспасөз қызметінің материалдары бойынша әзірлеген
М.Қабдрахметова.
