Күдікті камераға түсіп қалды
Қостанайда полицейлер "Мандарин" дүкенінен салқын сусынды орамымен алып кеткен тонаушыны ұстады. Күдікті бейне қадағалау камерасының көмегімен анықталды.
Оқиға 22 қаңтар күні Майлин көшесіндегі "Мандарин" дүкенінде болды. Таңертең азық-түлік бөліміне жүгіріп кірген ер адам сөреде тұрған "Холодный чай" сусынын орамымен алып, қашып кетті. Сатушы бірден полицияға хабарлады. Жедел басқару орталығының инспекторы К.Естаева бейнеқадағалау камерасының көмегімен күдіктіні анықтап, сол жерге жақын жүрген автопатрульге бағдар берді. Полицейлер күдіктіні көрші үйдің кіре берісінде қолға түсірді.
Жыл басынан бері облыста 60 тонау оқиғасы тіркелді, оның 38-і ашылды. Бейнеқадағалау камераларының көмегімен 1190 құқық бұзушылық және 5 қылмыс ашылды.
ОІІД баспасөз қызметінің материалдары бойынша әзірлеген
М.Қабдрахметова.
