Торғайдағы Мәуліт күні

Оспанқожа әулие мешітінің ұйымдастыруымен Н.Ахметбеков атындағы мәдениет үйінде Пайғамбарымыз Мұхаммед (с.ғ.с.) туған күніне арналған «Менің сүйікті Пайғамбарым» – атты діни мерекелік іс шара болып өтті.

Оған дін жанашырлары, аудан әкімі және аудан тұрғындары,  қатысты. Нұр Мүбарак Египет ислам мәдениет университетінің түлегі Рүстем Исламұлы дүниеден өткен барлық сахабалар мен әулие әмбилердің рухтарына құран бағыштады.
Аудан әкімі Асқарбек Кенжеғарин аудан жамағатына лебізін білдіріп, Мәуліт күнімен құттықтады.

Құттықтау рәсімінен кейін мешіт шәкірттері Пайғамбарымызға салауат айтты. Нұр Мүбарак Египет ислам мәдениет университетінің 3 курс студенті Дархан Қосылбаев пен Ы.Алтынсарин атындағы орта мектептің 11 сынып оқушысы Ұлжан Сапан асыл дініміздің ерекшеліктерімен қасиеттеріне ұғындырып, Пайғамбарға махаббат тақырыбында баяндама жасады.

Діни іс шара барысында Мәуліт күніне орай әндер шырқалып, тағылымды көрініс көрсетілді. Рухани кеш соңында  Оспанқожа әулие мешітінің бас имамы Аян Хасенов мұсылман жамағатқа алғысын білдіріп, мешітке демеушілік жасап, жомарттық танытқан жеке кәсіпкерлерге алғыс хаттарын табыс етті.

Байбатыр Ахметбеков

Жанкелдин ауданы