Әскери даярлықтарын көрсетті

Рудный қаласының №12 орта мектебінде әскери-қолданбалы спорт түрлерінен жарыс ұйымдастырылды.

Жеңістің 70 жылдығына арналған аталмыш шараға балалар үйі, №5 гимназия мен  №12, 17, 18, 19 мектептің командалары қатысты. Онда оқушылар алғашқы әскери дайындық сабағында алған білімдерін автоматты бөлшектеп-жинақтау, жер бауырлап жүру, газтұмылдырық кию, пневматикалық мылтықпен нысананы көздеп ату сайыстарында іс жүзінде көрсетті.

Сайыс  нәтижесінде №19 мектептің шәкірттері ең үздік нәтижемен 1-орынды иеленді. №17 және №18 орта мектептің командалары 2-3 орындарды өзара бөлісіп алды.

Атап айтсақ, жарыс «Ұлы Жеңістен 70 сәт» атты қалалық акцияның аясында ұйымдастырылды. Акция аясында 9 мамырға дейін 70 ауқымды іс-шара өткізу жоспарланып отыр.

 

Қуаныш Сейдоллаұлы