Жаңа жоба – «Қостанай ақшамы»
Облыстық "Қостанай таңы" газеті редакциясы қой жылында жаңа жоба – газеттің 8 беттік "Қостанай ақшамы" қосымшасын шығаруды қолға алып отыр.
Онда тарихи-танымдық, тағылымдық-тәрбиелік, әдеби-мәдени материалдар молынан жарияланбақ. Жаңа жобаның тұсаукесері ретінде дайындалған материалдар топтамасын Сіздер газеттің бүгінгі санынан оқисыздар. Бұл қосымша айына екі рет жұма күндері шығады, соған орай сол күнгі басылым 24 бет көлеммен оқырманға жол тартады.
Газет оқырмандарын, қоғамдық тілшілерді "Қостанай ақшамының" мазмұнды да қызықты шығуына үлес қосуға шақырамыз.
