Мамандар ескертеді

Қостанай облысы төтенше жағдайлар департаменті облыс жолдарында болған төтенше жағдайлардың алдын-алу мақсатында баспасөз конференциясын өткізді.

Қостанай облысы Төтенше жағдайлар департаменті төтенше жағдайларды жою бөлімінің бас маманы А.Темиров "13-14-қаңтар күндері ауа райы күрт бұзылып, боран соғатынын ескерттік. Барлық авариялық-құтқару қызметтері күшейтілген режимде жұмыс істеді. Республикалық және жергілікті маңыздағы "Алматы-Екатеринбург" "Қостанай-Сарыкөл", "Қостанай-Әулиекөл-Сурган" тасжолы, "Мамлютка-Қостанай", "Арқалық-Торғай", "Ұзынкөл-Сарыкөл", "Қостанай-Введен" жолдарының жол қозғалысы уақытша жабылды. Облыстық авариялық-құтқару қызметі жүргізген құтқару операциялары сәтті өтті", – деді.

Естеріңізге сала кетейік, өткен жылдың желтоқсан айында ашылған Алтынсарин ауданы  Щербаков поселкесі маңында облыстық трассалық медициналық-құтқару пункті жұмыс істейді. Мамандар қыс маусымында жолда жүру ережелерін сақтап, алыс жолға жалғыз жолаушылап шықпауды ескертеді.

Шұға                      

             ҚОҢҚАБАЙ