Рождествомен құттықтады

by Qostanaı tańy · 07.01.2015

Қаңтардың 6-нан 7-не қараған түні әлем православтары Рождество мерекесін қарсы алады. Бұл діни мереке еліміздің барлық өңірінде, соның ішінде біздің облысымызда да жыл сайын лайықты деңгейде тойланып келеді.

Бүгін Қостанайдағы Константино-Еленский шіркеуінде де аталмыш мерекеге арналған құлшылық ету рәсімі өтті. Мерекеге қатысушыларды облыс әкімінің орынбасары С.Карплюк құттықтады. Ол өз сөзінде бейбітшілік пен ұлтаралық келісім біздің еліміздің басты байлығы екендігін де ерекше атап өтті.

-Құрметті қостанайлықтар, сіздерді облыс әкімінің атынан шын жүректен Рождество мерекесімен құттықтаймын. Елбасымыздың көрегенді саясатының арқасында біздің елімізде тұратын барша дін өкілдері тату-тәтті өмір сүріп жатыр. Олардың өз діни мерекелері мен ұлттық мейрамдарын атап өтуіне де ешқандай кедергі жоқ. Қайырымдылық пен жақсылықтың нышаны саналатын бұл мейрамда баршаңызға зор денсаулық, отбастарыңызға амандық тілеймін, – деді С.Карплюк.

Сондай-ақ, шіркеудің владикасы Анатолий де діни мерекеге жиналғандарды Рождествомен құттықтап, мейірімділік пен ізгілікке, өзара достық пен татулыққа шақыратын бұл мейрамның мән-маңызына тоқталды.