Қарлығаштың ұясы

Қарлығаштар біздің ауылға мамыр айында ұшып келеді. Мен оларды бірден байқаймын. Себебі біздің үйдің маңындағы қорада қарлығаштың ұясы бар. Көктем шыға әлгі ұяға қарлығаштар келіп, балапан басады. Биыл сол ұяда төрт балапанның ұшқанын көрдім. Менің  әкем  "Қарлығаш  ұя салған жерде береке-бірлік, молшылық" болады дейді. Сондықтан қарлығаштың ұясын бұзбау керек. Киелі құс-тың біздің қораға ұя салғанына мақтанамын.

Қарлығаштың тұмсығы қыс-қа, қанаттары ұзын, құйрығы айыр тәріздес болады. Ол адамның досы. Мен "Қарлығаштың құйрығы неге айыр?" деген ертегіні оқыдым. Ертегіде Қарлығаштың кішкентай баланы айдаһардан құтқарып қалғаны айтылады. Міне, сондықтан Қарлығашты адамның досы дейміз.

Қазыбек ХАМИТБЕК,

4 -сынып оқушысы.

Үрпек ауылы.

Аманкелді ауданы.