Медициналық-құтқару бекеті ашылды
Алтынсарин ауданындағы Щербаков ауылының трассасы бойында салынып жатқан республикалық бағыттағы медициналық-құтқару бекетінің құрылысы ағымдағы жылдың қыркүйек айында басталған болатын. Бүгін аталған нысан іске қосылып, оның салтанатты ашылуына облыс әкімі Н.Садуақасов қатысты.
“Саламатты Қазақстан” бағдарламасы аясында салынған мұндай медициналық-құтқару бекеті облыс бойынша алғаш рет ашылып отыр. Мұнда екі аусым бойынша бес адам, яғни дәрігер мен фельдшер, диспетчер және екі құтқарушы жұмыс істеп, екі реанимабиль және бір жеңіл автокөлігі қызмет көрсететін болады. Замануи медициналық құрылғылармен жабдықталған бұл құтқару бекетінің арқасында жол-көлік оқиғалары кезінде адамдардың өмірін құтқаруға мүмкіндік тумақ. Сондай-ақ, адамдардың өмірін құтқаруға тікұшақ та көмекке келетін болады.
Жалпы, мұндай медициналық-құтқару бекеттері енді Федоров пен Әулиекөл аудандарында салынады деп күтілуде.
Қарлығаш Оспанова
Суретті түсірген Константин Вишниченко
