Рудный индустриялық институты дәстүрге айналған «Ашық есік күнін» ерекше сән салтанатпен атап өтті. Шара барысында қаламыздың мектеп және колледж оқушылары білім ордасының мұражайы мен фойеде ұйымдастырылған шағын көрмені тамашалады.
![IMG_2634](https://old.kostanaytany.kz/wp-content/uploads/img_2634-300x199.jpg)
Сондай-ақ жас қонақтар институтқа экскурсия жасап, мамандықтар тізбесі мен оқуға түсудің ереже-талаптары, студенттік өмір мен олардың білім, ғылым, спорт және шығармашылықтағы жетістіктері жайлы ақпарат алды.
![IMG_2597](https://old.kostanaytany.kz/wp-content/uploads/img_2597-300x199.jpg)
Одан әрі оқушылар мен студенттер көңілді тапқырлар ойынында РИИ ректоры кубогын сарапқа салып, өз оқу орындарының намысын қорғады. Ойынға №15, 4, 14, 10 мектеп пен РӘГК, РПТК, РИИ жастарынан құралған 8 команда қатысты. Жайдарманшылардың қағытпа қалжыңы мен астарлы әзілдері әділқазылар мен көрермендер жылы қабылдады. Екі сағатқа созылған ойын нәтижесінде кубок РПТК мен №14 мектептің «Восход аялдамасы» атт командасына бұйырса, қалған командаларға атаулы номинациялар берілді. Барлық қатысушылар дипломдар мен «Арасан фирмасы» ЖШС, «Азия микс» кафесі, «Мистер почик» ЖК, «Лидер-2» ЖШС ұсынғанған дәмді сыйлықтарға ие болды.
Қуаныш Есқабыл