Тәуелсіздік еркіндігі елімнің

Тәуелсіздік күні мерекесіне орай Арқалық қалалық ішкі істер басқармасында салтанатты жиын өтті.

Басқарма басшысы, полиция полковнигі Төрехан Жанқылышев құттықтау сөз сөйлеп, мерелік марапаттарды тапсырды. ҚР ішкі істер министрлігінің "Мінсіз қызметі үшін" І деңгейлі медалымен – А. Төртқарин, Ж. Жұмағалиев, Е. Көшкінбаев, ІІ деңгейлі медалымен – М. Жұмашев, ІІІ деңгейлі медалымен – А. Оразалин, Н. Ғазезов, А. Ешімғалиев, К. Қожин наградталды. Сондай – ақ, бірқатар қызметкерлер облыстық ішкі істер басқармасының алғыс хатымен, грамотасымен марапатталды. Қызметкерлер Д. Тұрғанов, М. Әбжанов, Б. Текенов, Б. Серікбаевтардың арнайы атаққа ие болды.   

 Мерекелік құрметтен ішкі істер органдарының ардагерлері де шет қалған жоқ. Тағылымды шараның төрінен орын алған басқарманың ардагерлер кеңесінің мүшесі Совет Құсманұлы ізбасарларын мерекемен құттықтап, тәуелсіздік жолында аянбай еңбек ете беруге шақырды.

 Салтанатты шара соңы әдеттегідей ән – жырға ұласып, тәртіп сақшылары көтеріңкі көңіл күй сыйлаған  концерттік бағдарламаны тамашалады.

 

 

 

Мұрат Жүнісұлы

Арқалық қаласы