«Желтоқсанның ызғары – ай»

Ұлттық мерекеміз Тәуелсіздік күні қарсаңында қалалық орталықтандырылған кітапханасының  Қостанай қалалық кітапханасының «Құрылыс» құрылымдық бөлімшесі қызметкерлерінің тікелей мұрындық болуымен «Желтоқсанның ызғары – ай» деп аталатын дөңгелек үстел болып өтті. Оған шаһарымыздағы №5 орта мектебінің 8 сынып оқушылары мен 1986 жылғы желтоқсан оқиғасының куәгерлері қатысты .

Бүлдіршіндер үшін берер тағылымы мол басқосуды жоғарыда аталған кітапхананың қызметкері  Ботагөз  Дүйсембаева жүргізді. Ол қазақ елінің тәуелсіздікке қалай қол жеткізгендігі мен желтоқсан оқиғасы туралы балаларға айтып берді.
Ал оқушылар өз кезегінде егемендік туралы елімізге танымал ақындардың өлең-жырларын жатқа оқып,  көрініс көрсетті.  Тарихи тағылымы мол басқосуға қатысқан қонақтар өз естеліктерімен бөлісті.

 

 

 

Мешіт Ғазиз

Суреттерді түсірген Бағдат Ахметбеков