Тәуелсіздікке тарту
Қостанайлық қолөнер шеберлері, ағайынды Аңқауовтар Тәуелсіздік күні ұлттық мейрамына орай Астанада көрме өткізбек.
Көрмеде аппликация технологиясы бойынша қой жүнінен жасалған картиналар қойылады. Ағайынды Анкауовтардың «Arlan Design» авторлық интерьер дизайн студиясы бар. Аталмыш студия қазақ этностилін жаңғыртумен айналысады. Шебер жігіттердің төртеуі де "Төртеуіне де «миопатия» диагнозы қойылған. Олар тән жарасына қарамастан ұлттық өнердің өркендеуіне өз үлестерін қосуда.
-Басқа түскен қиындыққа қарамастан қоғамға пайда әкелу үшін тырысып жатырмыз. Біздің мақсатымыз- қазақтың қолөнерін дамыту. Ата-бабадан мұраға қалған төл өнерге жаңа тыныс берсек дейміз,-деді суретші-дизайнер Арлан Аңқауов.
Қолөнер шеберлерінің көрмесі 11 желтоқсан күні Елордадағы Бейбітшілік пен Келісім сарайында ашылады.
Қымбат Досжанова
Суретті түсірген Айбек Жүзбай
