Отбасындағы шуақ
Бала үшін отбасындағы мейірімділік пен қамқорлыққа, жауапкершілік пен кешірімділікке, бір-біріне деген ықылас-пейілге не жетсін, шіркін! Дегенмен өмір болған соң, ақ пен қарадай кей жағдайда өз ата-анасының үйі, ағайын-туған балаларымызға қауіпсіз бола бермейтіні анық. Бала өз отбасында бола тұра, өзінің ата-анасынан зорлық-зомбылық көруі мүмкін. Жай ғана мысал, егер ата-ананың айтқанын істемесе, орындамаса баланы ұрып-соғу я қатал жазалануы да ықтимал. Мүмкін бұндай жағдайлар бірлі-жарым кездейсоқ кездесетін шығар. Бар ата-ана баласына осылай қа-райды деп айта алмаймыз. Бірақ қоғамда жиі кездесетін оқиға-лардың бірі. Осындай оқиғаларды болдырмау үшін ата-ана, мектеп, қоғам болып атсалысуымыз керек. Оның мысалы ретінде облысымызда "Отбасы жеке тұлғаның құндылықтарының әлеуметтік дамуы мен қалыптасуындағы фактор" атты тақырыпта өткен халықаралық ғылыми-практикалық конференцияны айтуға болады. Әрине, үлкен жиын болған соң отбасына қатыс-ты проблемалар пленарлық отырыс пен секцияларда жан-жақты талқыланған-ды. Осы конференцияның "Бастауыш мектеп жасындағы балалар бойында отбасылық құндылықтарды қа-лыптастыру" атты өзекті тақырыптағы секциясы Қостанай қаласындағы №24 мектеп-гимназиясында болып өтті. Жиынды модератор мектеп психологы Б. Хамитова жүргізіп отырды. Тақырыпты талқылау аясында облыстық аурухананың психотерапевті, медициналық ғылымдарының кандидаты Н. Жаркова, А.Байтұрсынов атындағы ҚМУ-нің психология кафедрасының профессоры, психология ғылымдарының кандидаты Л.Саркисян, №24 мектеп-гимназияның директоры С.Кә-рімова сөз сөйлеп, бала тәрбиесіндегі отбасының мәні, оның қазіргі кезде қандай болуы қа-жеттігін, ұрпақ тәрбиесінде әр ұлттың ұлттық салт-дәстүрі өзіндік рөл атқаратындығын, отбасындағы татулық, бір-біріне деген қамқорлық балаға ауадай қажетті дүние екендігін айтты.
– Әрине, бүгінгі таңда отбасындағы ахуалға отбасының бар мүшесі жауапты десек қателеспейміз. Ұрпағымызды жақсы тәрбиелеп, қоғамымыздың, елі-міздің нағыз азаматы болып өс-сін десек, ата-ана ретінде тәрбие-ге бар жауапкершілікпен қарағанымыз жөн болар. Әсіресе, тақырыпты талқылау барысында педагогтар Б.Ермағанбетованың "Бүгінгі отбасындағы бала тәр-биесінің өзекті мәселелері", М.Антаеваның "Отбасы тарихы – ұрпаққа өнеге", Д.Ағытаеваның "Адами қарым-қатынасқа баламызды үйретейік", Ф.Үмбетованың "Адами құндылықтардың отбасындағы рөлі", Т. Камалованың "Қазақ халқының салт-дәстүрі және әдет-ғұрпы арқылы отбасын тәрбиелеу" атты баяндамаларында отбасының өз ұрпағына деген ықпалы мен әсер күшін, ата-ананың балаға деген махаббатын, шуағын, мейірімін өмірде ештеңемен салыстыруға болмайтындығын, ұрпақтан ұрпаққа жалғасып келе жатқан қазақ халқының салт-дәстүрі, әдет-ғұрпының өзіндік тәрбие-лік мәні зор екенін, тәрбие басы әдептіліктен басталатындығын атап өтті, – деді бізге №24 мектеп-гимназиясының өзін-өзі тану пәнінің мұғалімі А.Саекеева.
Сол секілді жиынға қатысушылар, ата-аналар мамандарға өздерінің толғандырған сұрақтарын қойып, пікір-ұсыныстарын айтты. Ал, мектеп-гимназияның оқушылары Жанел Ғалымжанова, Айя Балташ болса, өмірде кездесетін жағдаяттарға байланысты көрініс қойды.
Гүлназым
САҒИТОВА
Суретте: іс-шарадан көрініс.
