750 мың теңгеден астам қаражат ұрлаған
Тәртіп сақшылары облыс орталығындағы ірі сүт өнімдерін өндіретін компанияға тиесілі 750 мың теңгеден астам қаражат жымқырған ер адамды қолға түсірді. Бұл жөнінде облыстық ІІД баспасөз қызметі хабарлады.
Аталмыш департаменттің өкілінің айтуына қарағанда, қылмыс бірнеше күн ішінде ізі суымай ашылды. Жедел іздестіру шараларын жүргізу барысында күдікті ретінде облыс орталығының 26 жастағы тұрғыны ұсталды. Қазіргі уақытта ол айғақты дәлелдер беруде.. Полицейлер ұрланған ақшаның бір бөлігін тәркілеп, иесіне қайтарды. Қарақшылық шабуыл жасаған күдікті тұтқындалып, тергеу шаралары жалғасып жатыр.
Естеріңізге сала кетсек, қылмыс Қостанай облыстық кәсіподақ үйінің ғимаратында жұмыс уақытында жасалған болатын.
Мешіт Ғазиз
