Жаңа жоба – жаңа мүмкіндіктер бастауы

“2012-2020 жылдарға арналған моноқалаларды дамыту” бағдарламасы бойынша Қостанай облысында биыл жалпы құны 559,5 млн. теңге болатын жеті жоба жүзеге асырылды. Соның ішінде 475,2 млн. теңгесі республика, ал 84,3 млн. теңгесі облыс бюджетінен бөлінген. Бағдарлама  шеңберінде ағымдағы жылы Лисаков, Жітіқара, Рудный қалаларында тиісті жұмыстар жүзеге асырылуда.

Ал, Арқалық қаласының Айдар ауылындағы құс фабрикасындағы инфрақұрылымның жетіспеушілігіне байланысты сметалық-жобалық құжат дайындалуда. Сондай-ақ, үстіміздегі жылы Лисаков қаласындағы көлік жолдары мен газқұбырларын тартуға 51,4 млн. теңге, Жітіқара қаласындағы индустриалды аймақта орналасқан Зулхаиров көшесінің инфрақұрылымына 312 млн. теңге, сонымен қатар Рудный қаласындағы “Жас қанат”, “Лидер 2010”, “Фирма Фининсайт” серіктестерінің қажетті инфрақұрылымдарына 196,1 млн. теңге бөлініп отыр.

Аталған жобаларды жүзеге асыру арқылы аталған өңірлерде инфрақұрылымдық жүйлерді жаңартуға, кәсіпкерлікті дамыту мен өндіріс көлемін көбейтуге зор мүмкіндіктер ашылмақ.

 

Қарлығаш Оспанова