Балалар жазым бола жаздады

Кеше түнде Рудный қаласындағы Парковая көшесінде орналасқан  5 қабатты  үйде өрт болды.

   Тілсіз жаудың салдарынан екі әйел зардап шекті.  Оның біреуі 3 -дәрежелі күйікпен қалалық аурухананың      жансақтау бөліміне жеткізілді.  Ал екіншісі ауруханаға жатудан  бас тартты. Оқиға орнына келген мамандар екі зардап шегушінің ішімдікке сылқия тойып алғаны анықтады.

Сондай-ақ,  улы түтіннің тез жайылуына байланысты  жоғарғы қабаттағы тұрғындар өміріне де  қауіп төнді.  Өрт сөндірушілердің ширақ іс қимылының арқасында 5-ші қабаттағы пәтерде тұратын   4 адам құтқарылды. Олардың ішінде 3 және 11 жасар  екі  бала бар. Оның біреуін өрт сатылы көлігімен  сыртқа шығарды. Өрт шыққан подъезден  22 адам  қауіпсіз жерге көшірді.

Тілсіз жау бір сағаттан соң толық ауыздықталды. Оған жеке құрамнан 12 адам мен 3 дана арнайы көлік тартылды. Өрттің себеп – салдары мен кінәлі адамдар анықталуда.

 

Мешіт Ғазиз