Ардагерлер Президент күнін мерекеледі

Қазақстан Республикасының Тұңғыш Президенті күніне орай Торғай ауылының әкімдігі мен селолық ардагерлер ұйымының ұйымдастырумен өткен дойбы жарысына ауданымыздың қоғамдық жұмыстарына белсене атсалысып жүрген ардагерлер қатысты.

Жарыстың шырайын келтірген ардагерлерміздің арасынан жеңімпазды анықтау қиынға түсті. Дегенмен жарыстың аты жарыс топ ішінен суырылып шығып, ойының жүйріктігін дәлелелдеген Нүретден Молдабеков 1 – орынды иеленді. Ал  2 –  орын Бейсенбек Қасжановтың еншісіне бұйырса,                    3 – орынды  Отарбай Көшенов місе тұтты. Торғай ауылының әкімі Ғ.Сүндетбаев және селолық ардагерлер ұйымының төрағасы Жылқыбай Бәкіров барлық жеңімпаздар мен қатысқан ардагерлерге ынталандыру сыйлықтар мен алғыс хаттармен марапаттады.

Сонымен қатар аталмыш ауыл әкімі Ғабит Көдебайұлы 80 жасқа толған қаржы саласының ардагері Ж.Садуақасовты ауыл әкімдігінің атынан құттықтап алғыс  хат табыс етті.

Байбатыр Ахметбеков

 Жанкелдин ауданы