Жастардың үздік жобалары
Елбасымыз Н.Ә.Назарбаев та биылғы Жолдауында әлемдегі бәсекеге қабілетті 30 елдің қатарына кіруіне білім сапасы жоғары, денсаулығы мықты, еліміздің әл-ауқатын арттыру үшін қызмет жасайтын жастарға үлкен сенім білдіріп отыр.
Осыны негізге алған Рудный индустриялық институты "Қазақстан жастарының инновациялық әлеуеті: ынтымақтастық, белсенділік, азаматтық жауапкершілік" атты тақырыпта студенттер мен оқушылардың республикалық ғылыми-практикалық конференциясын өткізді. Оған Қостанай, Рудный, Арқалық, Ақтөбе, Павлодар, Қарағанды, Астана мен облыс аудандарының ғылымды өміріне серік жастары қатысты.
Шараның ашылу салтанатында сөз алған институт ректоры Әбдірахман Найзабеков қазіргі заманның жастары үш тілді жетік меңгерген, ұшқыр ойлы, инновациядан хабардар болуы шарт дей келе, Қазақстандағы индустриялық-инновациялық жобалардың табысты жүзеге асуын білімді жастармен байланыстырды. Сондықтан жастарға артылар жауапкершілік жүгінің ауыр екенін ескертіп, конференция жұмысына табыс тіледі.
Қуаныш СЕЙДОЛЛАҰЛЫ.
