Үздік автомектеп анықталды
Қостанай қаласы ІІБ әкімшілік полициясы қалалық білім бөлімімен бірлесіп облыс орталығының үздік автомектебі конкурсын өткізді. Конкурсқа 11 автомектеп қатысты. Олар жол қозғалысы ережесі бойынша білімдерін, сонымен қатар көлікті басқару шеберліктерін көрсетті.
– Мен жарысқа мұқият дайындалдым, сондықтан тапсырма онша қиындық тудырған жоқ. Дұрыс жауап беруге тырыстым, – деді Н.Марюхно.
Бірінші орынды және жеңісті "Асалт" автомектебінен Н. Марюхно иеленді. Қатысушыларға естелік грамоталар және автокөліктеріне сыйлықтар табыс етілді.
