Үрпек ауылында ардагерлерге ескерткіш орнатылды
Үрпек ауылында тағы бір игі іс жалғасын тапты. 1941-1945 жылдардағы сұрапыл соғысқа қатысып, ерлікпен қаза тапқан, елге оралмаған, сондай-ақ елге аман-есен оралып, қажырлы еңбек еткен соғыс ардагерлерін мәңгі есте сақтау мақсатында ескерткіш тақта қойылды. Олардың ерлігі жастардың патриоттық рухын оятып, елге жерге деген сүйіспеншілігін артырады.
Ескерткіш тақтаны соғыс ардагерлерінің ұрпақтары өз қаражаты есебінен орнатты. Жоба құны – 2 млн 200 мың теңге. Үрпектіктер осы ескерткішті салған азаматтарға ризашылығын айтып, алғыс білдіруде. "Жұмыла көтерген жүк жеңіл" дегендей ,бұл жоба азғантай уақыттың ішінде жүзеге асты.
