Мемлекеттік қызметтерге ұсыныстар әзірлейтін арнайы фокус-топ құрылды
Қостанайда мемлекеттік қызмет көрсету саласындағы сарапшы-практиктер арасынан қызметтерді автоматтандыру, реинжинирингілеу, оларды проактивті форматқа көшіру мәселелерін сапалы зерделеу үшін фокус-топ құрылды.
Топ облыстың Ақпараттандыру, мемлекеттік қызмет көрсету және архивтер басқармасының базасында жұмыс істейді. Қостанай облысы әкімінің қатысуымен өткен жиында басқарма басшысы Азамат Кашиев осылай деді.
Басқарма басшысының айтуынша, бұл фокус-топ жұмысының алғашқы оң нәтижелері бар. Цифрлық даму министрі жанындағы комиссияда облыстың ЖАО проблемалары мен оларды шешу жолдары талқыға салынған.
«Біз Әулиекөл ауданындағы өрт кезінде зардап шеккен нысандарды, сондай-ақ ауылдық жерлердегі тозығы жеткен құрылыстарды бұзу тәртібін оңайлату жөнінде өзекті мәселелерді айттық, енгізу актісіне ұқсас объектіні бұзу актісін меншік иесінің өзі әзірлеуді ұсынды. Салынған нысанды пайдалануға қабылдау актісін тіркеуді толық автоматтандыруды шешу жолдары ұсынылды", – деп атап өтті Азамат Кашиев.
Сонымен қатар, цифрлық технологияларды пайдалана отырып, ауыл шаруашылығы техникаларын тіркеудің бірыңғай тәсілдерін әзірлеу, ауыл шаруашылығы техникаларына қағаз түріндегі емес, бірыңғай техникалық төлқұжаттар, жүргізуші куәліктерін беру бойынша өзекті мәселелер айтылды.
Азамат Кашиев министрліктің бастамаларды белсенді қолдағанын, Қостанай облысы қазірдің өзінде 2 пилоттық жобаға қатысуға енгізілгенін атап өтті.
