Вокзалда намазхана ашылды

Бейімбет Майлин ауданының Тобыл кентіндегі темір жол вокзалында намазхана ашылды.  

Мұсылман жолаушылар үшін намаз оқуға арналған арнайы бөлме жасақталды. Бұл – вокзал ішінен намазхана ашылған алғашқы аудан. Игі іске теміржол басшылары және облыстың бас  имамы мұрындық болған. Лентасын қию рәсімін Рудный қаласының бас имам Сабыржан Зейнелғабиденұлы, Тобыл кентінің әкімі және ауыл ақсақалдары жүргізді.

«Осындай үлкен станцияларда және адам көпшілік жиналатын орындарда намазхананың болғаны дұрыс. Намазхананың ашылуына демеуші болған азаматтарға Алла разы болсын», – дейді ауданның бас имамы Ислам Хамзин.

Айта кетейік, мұндай намазханалар бұған дейін Қостанай вокзалында, «Kostanay plaza» cауда орталығының ішінде ашылған еді.