Филиалға жаңа төраға сайланды
«AMANAT» партиясы Арқалық қалалық филиалының ХХХІІ – ші кезектен тыс конференциясы өтті.
Белгіленген квотаға сәйкес 40 делегат сайланған конференция жұмысына мәслихат депутаттары, бастауыш партия ұйымының өкілдері және БАҚ өкілдері қатысты. Конференцияны депутаттық фракцияның жетекшісі Тимур Ержанов жүргізіп отырды.
Күн тәртібінде: фракцияның 2022 жылы атқарған жұмыстары сараланып, қалалық филиал төрағасы сайланды. Филиал төрағалығына «AMANAT» партиясы Арқалық қалалық филиалының атқарушы хатшысы Сабыржан Тасмағанбеттің кандидатурасы ұсынылып, бірауыздан мақұлданды. Жарыссөзге қалалық мәслихат депутаты Сағидолла Байгенжин мен№5 бастауыш партия ұйымының төрағасы Батырхан Карашинов шығып, партияның ұстанған бағытының уақыт үрдісінен шыға беруіне тілектестіктерін білдірді.
Шара соңында партияның белсенді мүшелеріне Қазақстан Республикасы Президенті Қ.Тоқаевтың Алғыс хаты, «AMANAT» партиясының төрағасы Е.Қошановтың мадақтамалары табыс етілді.Партияның «Белсенді қызметі үшін» төсбелгісімен бастауыш партия ұйымының төрағасы Батырхан Серікбайұлы марапатталды.
Марапаттарды қалалық филиалдың жаңа төрағасы Сабыржан Нұрсалиұлы мен облыстық мәслихаттың депутаты Абай Мұқанов салтанатты түрде табыс етті.
М. ЖҮНІСҰЛЫ.
Суретті түсірген автор.
Арқалық қаласы.
