Алматыда өткен республикалық "Үздік әдіскер" байқауында қостанайлық әдіскерлер үздіктер қатарынан көріне білді. Байқау тапсырмалары күрделі тапсырмалардан, атап айтқанда, талдаудан, сараптамадан, шебер-кластан тұрды.
![әдіскер](https://old.kostanaytany.kz/wp-content/uploads/2014/11/adisker-300x219.jpg)
Облыс намысын қорғаған Әлия Ахметқалиева, Елена Бритвина, Әсел Суворцева, Гүлнәр Өтегенова бірінші тапсырмада "Әдіскер. Мамандық. Лауазым. Құрмет" тақырыбында эсселерін шешендік сөйлеу шеберліктерімен таныстырса, екінші кезеңде мамандықтарының негізгі тұғырнамасы мен бағыт-бағдарын анықтайтын, сыни тұрғыдан ойлау, 12 жылдық оқытуға жаңа даярлық, ғылыми-әдістемелік жобалар, дуалдық оқыту бойынша шеберлік кластар өткізіп, қорғады. Нәтижесінде әдіскерлеріміз, Әсел Суворцева бірінші, Елена Бритвина екінші, ал, Гүлнәр Өтегенова мен Әлия Ахметқалиева үшінші орындарды жеңіп алды.
Гүлназым
САҒИТОВА