Тартысты жарыс

Қостанай облысында «Jas liga» атауымен жастардың басын біріктірген ерекше спорттық жоба жалғасып жатыр.

Жоба аясында Қостанай өңірінің жастары шағын футбол, волейбол және баскетбол секілді спорт түрінен сынға түсіп, өзара мықтыларды анықтады. Сайыс жеңімпаздарына табысталатын жүлде қоры қомақты. Жоба мақсаты – жастар арасында белгілі спорт түріне деген қызығушылықты арттырып, өзара біріктіру. Бұл «Jas liga» жобасы алақандай ауылдағы қостанайлық жастар үшін алдағы ауқымды жарыстарға қатысуына жол ашатын бағдаршам іспетті. Мұндай турнир әуесқой спортшыларды нағыз командаларға біріктіріп қана қоймай, ортақ жеңіске жету жолында әрекет етуге үйретеді.

Жарыстың бір бөлігі Қостанай өңіріндегі Назарбаев Зияткерлік мектебінде өтті. Волейболда бірінші орын үшін «Қызбел» мен «Намыс» командалары кездесті. Ойынның тартысты өткені сондай, бесінші кезеңге дейін жалғасты. Шешуші партияда таразы басы ойын аяғына дейін теңселіп тұрды. Командалар бір-бірінен небәрі екі ұпай ғана озып, кейін қайта теңесіп, көрермендердің делебесін қоздырды. «Намыс» ойыншысының қиыс соққысы кездесудің нәтижесін шешіп кетті. Қорытынды есеп 3:2 – «Қызбелдің» пайдасында.

Қазан айының соңында спортшыларды марапаттау рәсімімен қатар, жастар лигасының салтанатты жабылуы өтпек.

Дильназ Изделюева,

журналистика мамандығының 3–курс студенті