Халық болып қолдауымыз керек

Мемлекет басшысы Қасым-Жомарт Тоқаев күні кеше кезектен тыс сайлау өтетін мерзімді белгілеп, Жарлыққа қол қойды. Сонымен, Президент сайлауы 20 қарашада өтетін болды. Қасым-Жомарт Кемелұлы Қазақстан халқына жолдаған үндеуінде мұның мән-маңызына тоқталды. Сондай-ақ жалпы саяси жүйедегі оңды өзгерістерден жан-жақты мәлімет берді.

Президенттің 7 жылдық өкілеттік мерзімі несімен тиімді? Біріншіден, сыртқы геосаяси ахуалды ескере отырып, елдегі трансформациялық процесс қарқынын бәсеңдетпей жүзеге асыру үшін қажет. Екіншіден, осы аралықта экономиканы тұрақты дамытуды, халықтың әл-ауқатын арттырып, тұрмыс сапасын жақсартуды көздейтін ұзақ мерзімді міндеттерді жүйелі орындау тиімділігі артады. Жалпы, өзінің біліктілігі мен әлеуетін көрсетіп, алға қойған жоспарын тиянақты ақтарып шығуға бұл мерзім толық жеткілікті болмақ..
Негізі, «Әділетті Қазақстан» құру жолындағы ең басты қадамдардың бірі осы деп ойлаймын. Демократиялық қоғамның дамуына дем берер бастамаларды біртұтас халық болып қолдауымыз керек.

 

Дидар Есмағамбетова, 

Аманкелді ауданы маслихатының депутатты