Әділетті Қазақстан – барлық реформаның басты негізі

Ел Президентін жеті жылға және бір мерзімге ғана сайлау – Қазақстан секілді демократиялық мемлекеттің ұстанымына сай келетін ұсыныс. Бұл жаңа саяси реформа барлық саяси жүйенің тың тәртіп бойынша жаңаруына бастайды деп сенеміз. Мемлекет басшысының екінші рет сайлауға түсуіне шектеу қою шынымен де Тәуелсіз ел тарихындағы саяси жаңалық болғалы отыр. Бұл биліктің жаңа әрі әділетті тепе-теңдігін орнатады.

Жалпы, мұндай тәжірибе дүние жүзінде бір ғасырдай уақыт қолданылып келеді. Яғни бұл әлемге тараған денденция. Демек, осы тренд "Әділетті Қазақстан" принципіне сайма-сай келеді. Сайлаудың жаңа механизмі әрбір жаңа Президенттің өз бағдарламасын толық және алаңсыз орындауына жол ашады. Ел алдындағы жауапкершілігін арттырады. Өйткені оған реформаларды іске асыруға өмірінде бір ғана мүмкіндік беріледі. Ең бастысы, осының арқасында біз биліктің суперпрезиденттік басқару жүйесінен түпкілікті арылмақпыз.

Ерболат ЗЕЙНЕЛОВ,

Б.Майлин ауданы мәслихатының депутаты