Екінші орынды еншіледі

Жуырда Астана қаласында грек-рим күресінен Азия чемпионаты мәреге жетті.Осы байрақты бәсекеге қатысқан Қостанай облыстық балалар мен жасөспірімдер спорт мектебінің түлегі Мақсат Ережепов 71 келіде сынға түскен болатын. Боз кілем үстінде белдескендерінің бәрін жыққан жерлесіміз тек ақтық сында қарсыласына жол беріп, жеңіс тұғырының екінші сатысына көтерілді. Мақсаттың бұл же-ңісіне ағайынды бапкерлер Марат пен Қуаныш Мұхамбетовтер айрықша еңбек сіңірді.