Универсиадаға іріктеу
«Сұнқар» спорт клубының меңгерушісі Аманжол Төлегенов пен жаттықтырушы Наурызбек Жабариннің ұйымдастыруымен Қостанай мемлекеттік педагогикалық университетінің спорт залында шағын футболдан жарыс өтті. Аталмыш жарыстың өткізілу себебі – алдағы универсиадаға үздік команданы іріктеу.
Төрт команда ішінде мықтыны анықтау оңайға соқпады. Сынға түскен олар кәсіби спортшылардан кем өнер көрсеткен жоқ. Тартысты ойында жас спортшылар барын салып ойнады, ал төрешілер әділ қазылық етуге тырысты. Ойындардың тартысты әрі қызықты өткені сондай, соңғы ойындарға дейін қандай команданың жеңімпаз немесе жүлдегер атанары белгісіз болды.
Жарыс соңындағы марапаттау рәсімінде жеңімпаз командаға мақтау қағаздары табыс етілді. Атап айтсақ, 3-ші орынды П.Чужинов атындағы экономика және құқық институты, 2-ші орынды ауыл шаруашылығы институты, ал 1-ші орынды Ө.Сұлтанғазин атындағы педагогикалық институт иемденді.
Қайрат МАРАТҰЛЫ
