Ұлттық лицей ашылды

Қостанай қаласында  «Qazbilim Qostanay» ұлттық лицейінің салтанатты түрде ашылу рәсімі өтті. Іс-шараның ашылуына Қостанай облыс Білім басқармасы орта білім бөлімінің меңгерушісі  Қарлыға Есмурзина, филология ғылымдарының кандидаты, доцент, ардагер ұстаз  Қалқаман Хасенұлы, ақын, журналист Абылай Фазылханұлы, Ы.Алтынсарин музейінің директоры Марғұлан Бақытбекұлы, сондай-ақ оқушылар, ата-аналар мен қала тұрғындары қатысты.Жиын барысында құрметті қонақтар жылв лебізін білдіріп, сый-сыяпаттарын көрсетті

Ұлттық лицей оқушыларға сапалы білім берумен қатар, жан-жақты өсуі үшін төмендегі міндеттемелерді басым бағыты ретінде ұстанады: ұлттық тәрбие; пәндік олимпиадаға бағдарлы дайындық; ҰБТ-ға кешенді дайындық; Қазақстандық және шетелдік үздік университеттерге түсуге бағыт-бағдар және кепілдік; IELTS-қа дайындық; шахмат, тоғызқұмалақ, т.б. интеллектуалды ойындар.

Ашылу салтанаты аясында Ұлттық лицейдің таныстырылымы мен «Qazbilim Group» құрылтайшысы, PhD химик, ақын, блогер Аятжан  Ахметжанұлы  10-11 сынып оқушыларына арналған «Мамандық таңдау және болашақ» атты мотивациялық тренингі өткізді.

Айта кету керек, «QAZBILIM» жобалары білім саласында 7 жылдан астам уақыт қызмет жасап сапалы білім, жүйелі бағдарлама, үздік нәтиже көрсетіп келеді. Қазіргі таңда еліміздің 12 қаласында 17 бөлім жұмыс жасап жатыр, QAZBILIM қоржынында  120-дан аса  авторлық оқу-әдістемелік құралы бар.  QAZBILIM негізі қаланған уақыттан бері 10 000 астам оқушы  білім алып, жоғары нәтижеге жетті.

  Шұға ҚОҢҚАБАЙ