Мектепте жаңа басшы

Қостанай қаласындағы Назарбаев Зияткерлік мектебінің ұжымына жаңа басшы таныстырылды.

«Назарбаев Зияткерлік мектептері» ДББҰ Қамқоршылық кеңесі мен Басқармасының шешімімен Қостанай қаласындағы Назарбаев Зияткерлік мектебінің директоры қызметіне Гүлнар Досқазиева тағайындалды. Бұған дейін Орал қаласындағы Назарбаев Зияткерлік мектебі директорының даму жөніндегі орынбасары қызметін атқарған.

Орынбор мемлекеттік педагогикалық университетінің «Ағылшын және француз тілдері мұғалімі» мамандығы бойынша Назарбаев Университетінің «Білім берудегі көшбасшылық» жоғары білім беру мектебін бітірген. Педагогика ғылымдарының магистрі.

Жалпы еңбек өтілі – 17 жыл. Гүлнар Досқазиева Зияткерлік мектептер жүйесінде 2013 жылдан бері жұмыс істейді. НЗМ-де басшы қызметіндегі жұмыс өтілі – 8 жыл. CELTA мұғалімі, мұғалімдердің кәсіби дамуын қолдау бойынша сертификатталған жаттықтырушы, CIS бағалаушысы.

Ұжымның жаңа басшысын Гүлнар Досқазиеваны Назарбаев Зияткерлік мектептері ДББҰ басқарма төрағасының орынбасары Светлана Испусинова таныстыра отырып, жаңа қызметіне сәттілік тіледі. Мектептің бұрынғы директоры Думан Сапақовқа Қостанайдағы NIS ашылғаннан бері басшылық етіп келе жатқан орында жоғары кәсібилігін атап өтіп, жемісті жұмысы үшін алғыс білдірді.

Шұға АҢСАҒАНҚЫЗЫ