БАЛАЛАРҒА БАЗАРЛЫҚ
1 маусым – балаларды қорғау күніне орай "Олжа Агро" компаниясы өңірімізге танымал жазушы Александра Суслованың жаңа туындыларын қалың оқырманға таныстырды. Жиында сөз алған "Қазақстан Жазушылар Одағы" Қостанай облыстық филиалының директоры, «Қостанай таңы» газетінің директор-бас редакторы Жанұзақ Аязбеков Балалар жылында атқарылып жатқан жұмыстарға тоқталып өтті.
– Биыл балалар әдебиеті жазушысы Александра Суслова Жазушылар одағының мүшелігіне қабылданған болатын. Александра Суслова балалар әдебиетінің барлық жанрларында қалам тербеп жүр. Таныстырылып отырған «Два Даньки, Буран и скрипка» кітабы ерекше мазмұнды. Бұл кітапта қостанайлықтардың шынайы өмірі бейнеленген. Сондай-ақ, қоғамның басты құндылығы – достық мәселесі осы кітапта көрініс табады. Жазушылар арасында жарияланған республикалық байқауда осы кітап бірінші орынға лайық деп танылды», – деді Жанұзақ Аязбекұлы.
Шарада балаларға арналған түрлі бейнероликтар көрсетіліп, ойындар ойнатылды.
–«Балалар күнін мерекелеу қарсаңында менің қос бірдей кітабымның тұсаукесері өтіп отыр. Кітаптарымды шығаруға демеушілік жасаған «Олжа-агро» компаниясына алғысым шексіз,» – деді А. Суслова.
Суреттерді түсірген Б. АХМЕТБЕКОВ.
