Екі әйелді өлтірген кім?

Үстіміздегі жылдың 15 қазанында Қостанай қаласының екі тұрғыны, яғни қызы мен анасының қатігездікпен өлтірілгендігі туралы ақпарат елдің төбе шашын тік тұрғызған болатын.

Мәселенің мәнісіне жүгінсек, марқұмдар зиратты қоршау үшін бір жұмыскерді жалдаған көрінеді. Содан, маскүнем әрі нашақор айыпталушы бұлармен сөйлесуге келеді, бірақ келісілген еңбекақыға көңілі толмаған ол сол жерде дау шығарады. Ішімдік пен есірткінің буына мас болып, қаны қарайып алған айыпталушы сол жерде жәбірленушінің қызына 32 рет, ал анасына 11 рет пышақпен қатты соққы береді. Жәбірленушілер сол жерде жан тапсырады.

Осылайша, арзан жұмыс күшін пайдаланамыз деп, маскүнем әрі нашақорға тап болған анасы мен қызы бақилық болды. Ал, екі бірдей кісінің қанын мойнына жүктеген күдікті қазір қамауға алынды.

Қаулы заңды күшіне енген жоқ.