Мұрағат – бағалы қазына
Біле білген кісі өткен жылдардың бел-белесінен сыр тартып, баға жетпес қазынаны мұрағаттан табары анық. Осы орайда біздің аудандағы мұрағат қызметі ширек ғасырдан бері тыңғылықты жұмыс атқарып келеді.
Биыл, яғни 2014 жылдың қыркүйегінде Қарабалық ауданының мемлекеттік мұрағатына 25 жыл толды. 1989 жылы Комсомол аудандық атқару комитеті кезінде ашылды. Оған Алина Александровна Бесчасная директор болып тағайындалды. Осы жылдар аралығында қор саны 4-тен 127-ге дейін өсті, соның ішінде ұйымдардан, мекемелерден және аудан кәсіпкерлерінен жиналған құжаттар саны 27 мыңнан асты. Жұмыскерлердің табанды еңбегінің арқасында жүрді. Себебі, мұрағат сол жылдары бірнеше рет өз мекенжайын ауыстыруға мәжбүр болды. Ол түсінікті еді: жылу болмады (қыс кезінде ғимараттың ішіндегі температурасы – 6 градусқа дейін баратын), құжаттардың көлемі болса өсе берді және оларды сақтайтын орын жетпей жатты. Мұны мен сырттан бай-қаушы емес, осы мұрағатқа 15 жыл қызмет еткен кісі ретінде айта аламын. Небір қиын-қыстау кезін-де өз ісіне адал – қазіргі мұрағат меңгерушісі Елена Николаевна Озирная, Юлия Ярославовна Фоменко, жас мамандар Кристина Николаевна Ибатулина және Балкүміс Сағынтайқызы Сексенбаева жұмыстың бар ауыртпалығын қатепті қара нар-дай көтерді. Оларға өз тәжірибесін және кәсіпке деген адалдығын дарытқан бүгінде мұрағат қызметінің ардагерлері Светлана Михайловна Трофимова, Наталья Андреева Сычева, Галина Шпрингер, Елена Яковлевна Сауляк, Галина Викторовна Титаренко, Мейрамгүл Манапқызы Шакупова берген тағлымы зор. Ал, мезгілсіз өмірден озған бұрынғы мұрағат меңгерушісі Якуб Андереевич Ходоровскийдің есімі біздің жадымыздан өшпейтіні анық.
2003 жылдан бастап мұрағаттың орналасқан соңғы орны ауданның Мәдениет үйі ғимараты еді. Бірақ осы жердеде мұрағаттық қорлар санының көбеюіне байланысты құжаттарды орналастыруға, сонымен қатар олардың қабылдауын жүргізу үшін орын болған жоқ. Осы себепті мұрағат қоймасының біреуі басқа ғимаратқа көшірілген-ді.
Егер ағымдағы жылдың сәуір айында осы мәселені облыс әкімінің аппараттық мәжілісте айтылып, Н.М.Садуақасовтың тарапынан қолдау таппаса, мұрағатшылар әлі күнге дейін тығыз ғимаратта сығылысып отыратын еді. Қолмен ауыр құжаттар тізбегін бір ғимараттан басқа ғимаратқа тасып, құжаттардың мемлекеттік сақтауына қабылдаудан бас тартатын еді. Облыс әкімі тиісті органдарға қысқа мерзім ішінде оны шешу үшін тапсырыс берді.
Соның нәтижесінде бүгін Қарабалық ауданының мемлекеттік мұрағаты өз келушілерін 3 кабинеті және үлкен мұрағат қоймасы, еурожөндеуі бар кең ғимаратта, жаңа мекенжай бойынша қабылдайтын болды. Енді ауданның жеке және заңды тұлғалардан құжаттарды сақтауға, қабылдау бойынша жұмыстарын жүргізуге толық мүмкіндік бар, резервтік аумақтар мен стеллаждар молынан жетеді.
Бұл Қарабалық ауданы тұрғындарының тарапынан елеусіз қалмады. Осы бір халық үшін аса маңызды мәселеге дер кезінде облыс әкімі Н.М.Садуақасовтың назар аударып, оң шешімін тапқанына дән риза.
М.Шакупова,
мұрағат қызметінің ардагері.
Қарабалық ауданы.
