Жөндеуден соң қайта ашылды
Аманқарағай кентінде «Ауыл – Ел бесігі» арнайы жобасы аясында ауылдық дәрігерлік амбулатория күрделі жөндеуден кейін есігін айқара ашты. Құрылыс-жөндеу жұмыстарына республикалық және облыстық бюджеттен барлығы 67 млн теңге бөлініп, оған «Вершина» ЖШС-нің мердігерлер бригадасы күрделі жөндеу жүргізді.
Қазақстан Тәуелсіздігінің 30 жылдығына қарсаңындағы айтулы оқиғаға орай аудан әкімі Ерлан Теменов, Аманқарағай ауылының құрметті тұрғындары Геннадий Тимошенко және Серікпай Испулов құттықтау сөз сөйледі.
Аудан басшысы атап өткендей, биылғы жылы «Ауыл – Ел бесігі» арнайы жобасының арқасында ауылда 4 млрд теңгеден астам сомаға жөндеу және құрылыс жұмыстарының үлкен көлемі жасалып жүргізілді. Ауылдық дәрігерлік амбулаторияның жанынан осы жылдың желтоқсан айында жедел медициналық көмек бригадасы құрылатын болады.
– Соңғы жылдары біздің ауылда көптеген жақсы істер жасалғанына өте қуаныштымын. Атап айтсам, алты көше және мен көп жылдар бойы басқарған Н.Островский атындағы орта мектебіне жөндеу жүргізілді, өйткені білім ордасында ол ашылған күннен бастап ешқашан күрделі жөндеу болмаған еді. Дегенмен, біз керемет уақытта өмір сүріп жатырмыз, – деп қуанышымен бөлісті Геннадий Тимошенко. Одан кейін сөз алған Аманқарағай ауылының имамы Серікпай Испулов аманқарағайлықтардың өміріндегі және жалпы ауылдың инфрақұрылымдық дамуындағы оң өзгерістер туралы жылы лебізін білдірді.
– Біздің ауылда табиғи газ іске қосылды, жолдар жөнделуде, – деп атап өтті ол. – Тек өткен жылы ғана мемлекеттік тілде оқытылатын жаңа мектеп іске қосылды. Қазір су құбыры салынып, көше жарықтандырылуда. Жақын арада дене шынықтыру-сауықтыру кешені салынады. Біздің облыстағы әрбір ауыл осындай оқиғалармен мақтана алмайды. Ауыл тұрғындарының өмір сүру деңгейі жыл сайын жақсарып келеді.
Аудан әкімі Ерлан Теменов пен аудандық аурухананың бас дәрігері Сергей Шульгин құттықтау сөздерінен кейін қызыл лентаны салтанатты түрде қиды. Есігі ашылғаннан кейін қонақтар ғимараттың ішіне кіріп, кең де жарық кабинеттерді аралап, жаңа медициналық жабдықтарды көрді. Енді мекемедегі 22 медицина қызметкерлері мен емделушілер үшін еңбек ету және емдеу үшін қолайлы жағдайлар жасалған.
– Сырты мен іші өте әдемі болды, – деді Аманқарағай тұрғыны Наталья Бондаренко. – Амбулаторияның іші жылы және жайлы, біздің дәрігерлер мен медбикелердің жүздерінде күлімсіреу жарқырайды. Біз бәріміз осы әдемі күнді асыға күттік. Енді бұл сұлулықты көптеген жылдар бойы сақтау маңызды. Әрине, барлық жерлестерімізге зор денсаулық тілеймін!
Мердігер Жандарбек Исмаилов медперсоналмен жылы шырайлы кездесудің шымылдығы астында жаңартылған ғимаратта медициналық мекеме ұжымы аттанатын үлкен және табысты жүзуді бейнелейтін кеме бейнеленген суретті табыс етті.
