4 балабақша салынады

Қостанай қаласындағы Әуежай, Қонай, Береке және Юбилейный шағын аудандарында әрқайсысы 280 орындық 4 жаңа балабақшаның құрылысы басталады. Сондай-ақ,  осы жылы № 10, 20 және 115 мектептерде бастауыш буын үшін топтар ұзартылған күнмен жұмыс істейтін болады. Ал 4 және 9 сынып түлектері үшін жаңа бағалау жүйесі іске қосылады. Бұл туралы педагогтердің дәстүрлі тамыз кеңесінде айтылды.

"Биылдан бастап орта білім беруді сырттай бағалау моделі жетілдірілді, енді оқу жетістіктерін сырттай бағалаудың орнына 4-9 сынып оқушылары қазақстандық оқушылардың функционалдық сауаттылығын өлшеуге бағытталған "Білім алушылардың білім беру жетістіктері мониторингінен" өтетін болады", — дейді Қостанай қаласы білім бөлімінің басшысы Гүлсім Оразбаева.

Мұғалімдердің апталық жүктемесі 18 сағаттан 16 сағатқа дейін төмендейді, оған білім басқармасының басшысы ерекше назар аударуды сұрады.

"Басшылар педагогтердің апталық жүктемесіне ерекше назар аударсын, мөлшерлемесі 1,5 сәл артық емес, бірақ ешқандай жағдайда 2-ден аспауы тиіс. Яғни мұғалімнің сапалы жұмысқа, өзін – өзі дамытуға уақыты болуы үшін апталық жүктеме азаяды", – деп атап өтті Білім басқармасының басшысы Зәуре Бәйменова.

Қосымша сатып алуды ескере отырып, мектеп кітапханаларының қорлары 1-ден 11-сыныпқа дейінгі оқулықтармен 100% қамтамасыз етілді, сондай-ақ бірінші сынып оқушыларына арналған оқулықтар жиынтығы толығымен жаңартылды. Айтпақшы, биыл Қостанайда бірінші сыныпқа 3,5 мың бала барады.